பியா பாஜ்பாய் சகோதரர் கொரானோவால் மரணம்

தமிழில் 'பொய் சொல்லப் போறோம்' படத்தின் மூலம் கதாநாயகியாக அறிமுகமானவர் பியா பாஜ்பாய். தொடர்ந்து அஜித் நடித்த 'ஏகன்', கோவா, பலே பாண்டியா, கோ, சட்டம் ஒரு இருட்டறை, அபியும் அனுவும்' உள்ளிட்ட படங்களிலும், தெலுங்கு, மலையாளம், ஹிந்திப் படங்களிலும் நடித்துள்ளார்.

இன்று காலை முதலே டுவிட்டரில், “தன்னுடைய அண்ணன் மரணம் அடைந்து கொண்டிருக்கிறார்,” என கவலையுடன் பதிவிட்டு உதவி செய்யுமாறு கேட்டுக் கொண்டார்.

“உத்தரப்பிரதேசத்தில் உள்ள, பரூகாபாத் நகரில் உடனடியாக படுக்கையும், வென்டிலேட்டர் வசதியும் தனது சகோதரருக்குத் தேவை, தயவு செய்து உதவுங்கள், உங்களுக்குத் தெரிந்தவர்களைச் சொல்லுங்கள், குழப்பத்தில் இருக்கிறோம்,” என காலையில் பதிவிட்டிருந்தார்.

ஆனால், எந்த உதவியும் அவருக்குக் கிடைக்கவில்லை போலிருக்கிறது. சற்று முன்னர் 'எனது சகோதரர் உயிரிழந்துவிட்டார்” என பதிவிட்டுள்ளார். அவருக்கு ரசிகர்கள் ஆறுதல் கூறி வருகிறார்கள்.