டீசருக்கு பதிலாக பர்ஸ்ட்லுக் : மகேஷ்பாபு செய்த மாற்றம்

பரசுராம் இயக்கத்தில் மகேஷ்பாபு - கீர்த்தி சுரேஷ் நடித்து வரும் படம் சர்காரு வாரி பாட்டா. இப்படத்தின் படப்பிடிப்பு 30 நாட்கள் நடைபெற்றுள்ள நிலையில் 40 சதவிகிதம் படப்பிடிப்பை முடித்து விட்டனர். இந்நிலையில், இப்படத்தின் டீசரை தனது தந்தையும் நடிகருமான கிருஷ்ணாவின் பிறந்த நாளான மே 31-ந்தேதி வெளியிடுவதாக ஏற்கனவே அறிவித்திருந்தார் மகேஷ்பாபு. இதனால் மகேஷ்பாபுவின் ரசிகர்கள் மே 31-ந்தேதியை ஆவலுடன் எதிர்நோக்கியிருக்கிறார்கள். ஆனால் கொரோனா இரண்டாவது அலை காரணமாக படப்பிடிப்பு நிறுத்தப்பட்டுள்ளது. இதனால் இப்போது அந்த முடிவில் மாற்றம் செய்துள்ளார் மகேஷ்பாபு. அதாவது, மே 31-ந்தேதி டீசருக்கு பதிலாக இப்படத்தின் பர்ஸ்ட்லுக் போஸ்டர் வெளியிடப்படும். அதோடு, கொரோனா அலை ஓய்ந்து மீண்டும் படப்பிடிப்பு தொடங்கிய பிறகு டீசர் வெளியிடப்படும் என்றும் அறிவித்துள்ளார்.