செண்ராயனுக்கு கொரோனா பாசிடிவ்

கொரோனா இரண்டாவது அலை தீவிரமாகி வரும் நிலையில், தினசரி யாரவது ஒரு பிரபலம் தாங்கள் கொரோனா தொற்றுக்கு ஆளாகி இருப்பதாக தகவல் வெளியிட்டு வருகிறார்கள். சமீபத்தில் பிக்பாஸ் புகழ் ஆஜித், கேப்ரில்லா இருவரும் கொரோனா தோற்றால் பாதிக்கப்பட்டுள்ளனர் என்கிற செய்தி வெளியான நிலையில், தற்போது நடிகர் செண்ராயனுக்கும் கொரோனா பாசிடிவ் என அதிர்ச்சி ரிசல்ட் வந்துள்ளது.

இதுகுறித்து வீடியோ பதிவு ஒன்றை வெளியிட்டுள்ள செண்ராயன், “நமக்கெல்லாம் எங்கே கொரோனா பாதிப்பு ஏற்பட போகிறது என கவனக்குறைவாக இருந்துவிட்டேன்.. எல்லாவற்றையும் பாசிடிவாகவே பார்க்கும் எனக்கு இப்போது கொரோனாவும் பாசிடிவாகவே வந்து விட்டது. வீட்டில் தனியறையில் என்னை தனிமைப்படுத்திக்கொண்டு இருக்கிறேன்.. இந்த கொரோனா பொல்லாதது.. மக்களே உஷாராக இருங்கள்.. அலட்சியம் வேண்டாம்” என கூறியுள்ளார்.