கதாநாயகி கிடைக்காமல் கஷ்டப்படும் பெல்லம்கொண்டா ஸ்ரீநிவாஸ்

தெலுங்கு சினிமாவில் இளம் நடிகராக வலம் வரும், பெல்லம்கொண்டா ஸ்ரீநிவாஸ் நடிக்கும் படங்களில் எல்லாம் கவனித்துப் பார்த்தால், அவருடன் இணைந்து நடிக்கும் கதாநாயகிகள் அனைவரும் முன்னணி நடிகைகளாக தான் இருப்பார்கள். அவரது ஆரம்ப படத்தில் இருந்து இது தொடர்கிறது. காரணம் அவரது தந்தை பெல்லம்கொண்டா சுரேஷ். மிகப்பெரிய தயாரிப்பாளர். அப்படிப்பட்ட பெல்லம்கொண்டா ஸ்ரீநிவாஸ், தற்போது கதாநாயகி கிடைக்காமல் கஷ்டப்பட்டு வருகிறார் என்றால் நம்ப முடிகிறதா.?

ஆம்.. இவர் இந்தியில் முதன்முதலாக அடியெடுத்து வைக்க இருக்கிறார். இந்த படம், பிரபாஸ் நடித்து ஹிட்டான சத்ரபதி படத்தின் ரீமேக்காக உருவாக இருக்கிறது. ஹிந்தியில் தான் அறிமுகமாகும் படத்தில் மிகப்பெரிய கதாநாயகியுடன் நடிக்க வேண்டுமென முயற்சித்து பார்த்ததில், பாலிவுட் கதாநாயகிகள் பலரும் நோ சொல்லி விட்டார்களாம் அதனால் கிட்டத்தட்ட அங்குள்ள இரண்டாம் நிலை கதாநாயகி ஒருவருடன் தான், பெல்லம்கொண்டா ஸ்ரீநிவாஸ் நடிக்க வேண்டிய சூழல் உருவாகியுள்ளதாக சொல்லப்படுகிறது.