எனக்கு புரபோஸ் பண்ணுங்க : ரசிகரை அதிரவைத்த ராஷ்மிகா

குறுகிய காலத்தில் தமிழ், தெலுங்கு என இரண்டு மொழிகளிலும் முன்னணி நடிகையாக வளர்ந்து விட்டார் நடிகை ராஷ்மிகா மந்தனா. தற்போது இந்தியிலும் இரண்டு படங்களில் நடிக்க ஒப்பந்தமாகியிருக்கிறார். ராஷ்மிகாவை பொறுத்தவரை, தனது க்யூட்டான முகபாவங்களால் மட்டுமல்ல, க்யூட்டான பதில்களால் கூட ரசிகர்களை மகிழ்வித்து வருபவர். ரசிகர்கள் எடக்கு மடக்கான கேள்வி கேட்டால் கூட, அதற்கு சாதுர்யமாக பதில் சொல்லி அவர்களை காயப்படுத்தாமல் அதை காமெடி ஆக்கிவிடுவார்.

அப்படி சமீபத்தில் தனது சோசியல் மீடியா பக்கத்தில் ரசிகர்களின் கேள்விகளுக்கு அவர் பதிலளித்து வந்தபோது, ஒரு ரசிகர், உங்களை திருமணம் செய்து கொள்ள விரும்புகிறேன்.. உங்களுக்கு சம்மதமா என ராஷ்மிகாவிடம் கேட்டுள்ளார். அதற்கு ராஷ்மிகா சிறியதாக ஒரு வீடியோ வெளியிட்டு, அதில் அட்லீஸ்ட் எனக்கு பிடித்த மாதிரி மென்மையாக எனக்கு லவ் ப்ரொபோஸ் பண்ணுங்கள் பார்ப்போம் என்று கூறியுள்ளார். ராஷ்மிகாவின் இந்த பதில், கேள்வி கேட்டவருக்கு மிகப்பெரிய சந்தோசத்தை தரும் என்பது நிச்சயம்.