நடிகர் சிவாஜிக்கு கமல்ஹாசன் புகழஞ்சலி

காலத்தால் அழியாத பல படங்களை தனது நடிப்பால் தந்தவர் நடிகர் திலகம் சிவாஜி கணேசன். இன்றும் மக்கள் மனதில் வாழும் அவரின் நினைவு தினம் இன்று. இதையொட்டி நடிகர் கமல்ஹாசன் அவருக்கு புகழஞ்சலி சூட்டி உள்ளார். சிவாஜி உடன் குழந்தையாக தான் நடித்த ஒரு படத்தின் போட்டோவையும், தேவர் மகன் படத்தின் ஒரு போட்டோவையும் டுவிட்டரில் பகிர்ந்து. ‛‛திரை நடிப்புக்கென்று ஒரு மைல் கல்லை நிர்ணயித்துச் சென்றிருக்கும் கலைஞர் சிவாஜி கணேசனின் நினைவு நாள் இன்று. ஏதோ ஒரு திரையில் படம் என ஒன்று சலனமுறும் காலம் வரை நடிகர் திலகத்தின் நினைவு தமிழர் நெஞ்சில் அலையடித்தபடியே இருக்கும்.