துல்கர் ஜோடியாக மிருணாள் தாக்கூர் ; அறிமுக போஸ்டர் வெளியானது

மகாநடி படத்தை தொடர்ந்து தெலுங்கில் மீண்டும் நேரடியாக ஒரு படத்தில் நடிக்கிறார் துல்கர் சல்மான்.. இயக்குனர் ஹனு ராகவாபுடி இயக்கும் இந்த படத்திற்கு லெப்டினன்ட் ராம் என தற்காலிக டைட்டில் வைக்கப்பட்டுள்ளது. தமிழ், தெலுங்கு, மலையாளம் ஆகிய மும்மொழிகளில் தயாராகும் இந்த படம் 1964-ம் ஆண்டில் ராணுவ பின்னணியில் நடைபெறும் வகையில் அதேசமயம் ஒரு பீரியட் காதல் கதையாக உருவாகிறது

இந்தப்படத்தில் லெப்டினென்ட் ராம் என்கிற ராணுவ அதிகாரியாக துல்கர் சல்மான் நடிக்கிறார். அவருக்கு ஜோடியாக சூப்பர் 60, பட்லா ஹவுஸ் ஆகிய படங்களில் நடித்த பாலிவுட் நடிகை மிருணாள் தாக்கூர் நடிப்பார் என சொல்லப்பட்டு வந்தது. இந்த நிலையில் மிருனாள் தாக்கூர் பிறந்தநாளை முன்னிட்டு இந்த தகவலை அதிகாரப்பூர்வமாக வெளியிட்ட படநிறுவனம், துல்கர் சல்மான் மிருணாள் தாக்கூர் இருவரும் இடம் பெற்றுள்ள அழகான போஸ்டர் ஒன்றையும் அவரது பிறந்தநாள் பரிசாக வெளியிட்டுள்ளது.