தமனுக்கு பதிலாக ஹிப் ஹாப் ஆதி

நாகார்ஜுனா - அமலாவின் வாரிசான, இளம் ஹீரோ அகில் தற்போது ஏஜெண்ட் என்கிற படத்தில் நடிக்கிறார். ஆக்சன் கதையம்சத்துடன் உருவாகும் இந்த படத்தை சயீரா நரசிம்ம ரெட்டி படத்தை இயக்கிய சுரேந்தர் ரெட்டி. இயக்குகிறார். இந்தப்படத்தின் இசையமைப்பாளராக தமன் ஒப்பந்தமாகி இருந்த நிலையில் தற்போது இந்தப்படத்தில் இருந்து தன்னை விலக்கிக்கொண்டுள்ளார் தமன்.

அதற்காக தமனுக்கு படக்குழுவினருகும் பிரச்சனை என்றெல்லாம் நினைத்து விட வேண்டாம். தற்போது முன்னணி நடிகர்களின் படங்களில் பிசியாக இருக்கும் தமன், அடுத்தடுத்து அவர்கள் படங்களை முடித்துக்கொடுக்க வேண்டிய சூழலில் இருக்கிறாராம். கொரோனாவின் இரண்டு அலைகள் காரணமாக தேதிகளில் நெருக்கடி ஏற்பட்டதால் தான் இந்த முடிவை எடுத்துள்ளாராம். தமனுக்கு பதிலாக தற்போது ஹிப் ஹாப் தமிழா ஆதி இந்தப்படத்திற்கு இசையமைக்க இருக்கிறாராம்.