மகேஷ்பாபு படத்தில் சஞ்சய் தத்

பாலிவுட்டில் ஒரு காலத்தில் ஹீரோவாக கோலோச்சியவர்கள் எல்லாம் குணச்சித்திர நடிகர்களாக மாறி விட்டார்கள். அவர்களை தென்னிந்திய மொழிகளில் அழைத்து வந்து வில்லனாக நடிக்க வைப்பது இப்போது புது டிரெண்ட் ஆகவே மாறிவிட்டது. கூடவே இந்தியிலும் அந்த படத்தை வெளியிட அது மிகப்பெரிய வசதியாகவும் இருக்கிறது. அந்த வகையில் பாலிவுட் நடிகர் சஞ்சய் தத் தற்போது கேஜிஎப் 2 படத்தில் வில்லனாக நடித்துள்ளார்.

இதைத்தொடர்ந்து தென்னிந்திய மொழிகளில் குறிப்பாக தெலுங்கில் சஞ்சய் தத்துக்கு மிகப்பெரிய வரவேற்பு ஏற்பட்டுள்ளது. அந்த வகையில் த்ரிவிக்ரம் சீனிவாஸ் இயக்கத்தில் மகேஷ்பாபு அடுத்ததாக நடிக்க உள்ள படத்தில் வில்லனாக நடிக்க சஞ்சய் தத் உடன் பேச்சுவார்த்தை நடைபெற்று வருகிறது, கதாநாயகிகளாக பூஜா மற்றும் நபா நடேஷ் இருவரும் நடிக்க உள்ளார்களாம்.