ரஜினியைத் தொடர்ந்து காட்டுக்குள் செல்லும் அஜய் தேவ்கன்

டிஸ்கவரி சேனலில் ஒளிபரப்பாகி வரும் தி வைல்ட் வித் பியர் கிரில்ஸ் என்ற சர்வைவல் ரியாலிட்டி ஷோவில் உலக அளவில் உள்பட பிரபலங்கள் கலந்து கொண்டு காட்டுப்பகுதிக்குள் சென்று வருகின்றனர். இந்தியாவிலுள்ள அனைத்து மொழிகளிலும் டப் செய்யப்பட்டு வெளியாகி வரும் இந்த நிகழ்ச்சியில் முன்னாள் அமெரிக்க அதிபர் ஒபாமா, இந்திய பிரதமர் நரேந்திர மோடி, தமிழ் நடிகர் ரஜினிகாந்த் என பல ஹாலிவுட் திரை பிரபலங்களும் பியர் கிரில்ஸூடன் காட்டுப்பகுதியில் பயணித்து அந்த திரில்லிங் அனுபவங்களை பகிர்ந்து கொண்டனர்.

இந்த நிலையில் அடுத்தபடியாக பாலிவுட் நடிகர் அஜய் தேவ்கன் இந்த நிகழ்ச்சியில் கலந்து கொண்டுள்ளார். இதற்கான படப்பிடிப்பு மாலத்தீவில் நடைபெற்றுள்ள நிலையில் அந்த நிகழ்ச்சி விரைவில் டிஸ்கவரி சேனலில் ஒளிபரப்பாக உள்ளது.