கோயில்களில் மகத்துவம் மிக்க தல விருட்சங்கள்

 தல விருட்சங்களை வழிபட்டாலும் சில கோயில்களில் மரங்கள் தெய்வங்களுக்கு நிகராகக் கருதப்படுகின்றன. 

* நவதிருப்பதிகளில் ஒன்றான ஆழ்வார்திருநகரி ஆதிநாதர் கோவிலில் உறங்காப்புளி என்னும் புளியமரத்தின் வடிவில் லட்சுமணர் இருக்கிறார். நம்மாழ்வார் இதன் அடியில் இருந்தபடியே திருமாலை வழிபட்டு பாசுரங்கள் பாடினார்.

* பட்டுக்கோட்டை அருகிலுள்ள பரக்கலக்கோட்டை ஆவுடையார்கோவிலில் உள்ள ஆலமரம், சிவனாக வழிபடப்படுகிறது. இம்மரத்தின் ஒரு பகுதியை லிங்கம் போல அலங்காரம் செய்து பூஜிக்கின்றனர்.

* திருவொற்றியூரில் தேவாரம் பாடிய சுந்தரருக்கும், சங்கிலி நாச்சியாருக்கும் மகிழமரத்தடியில் திருமணம் நடந்தது. சிவனே தலைமையேற்று நடத்தி வைத்தார். இதன் நினைவாக மரத்தடியில் சிவன் பாதம் உள்ளது.  இந்த மரத்தை சிவனாகக் கருதி வழிபடுகின்றனர்.

* குற்றாலம் குற்றாலநாதர் கோயிலில் உள்ள ஆதி பலாமரத்தை ‘குறும்பலாநாதர்’ (சிவன்) என்ற பெயரில் வழிபடுகின்றனர்.