சதுரகிரியில் பவுர்ணமி: பக்தர்கள் தரிசனம்

வத்திராயிருப்பு : சதுரகிரி சுந்தரமகாலிங்கம் கோயில் மாசி பவுர்ணமி வழிபாட்டில் ஏராளமான பக்தர்கள் தரிசனம் செய்தனர். நேற்று அதிகாலை முதலே தாணிப்பாறைக்கு பக்தர்கள் வந்தனர். காலை 6:00 மணி முதல் வனத்துறையினர் சோதனைக்கு பிறகு மலையேற தொடங்கினர். கோயிலில் சுந்தரமகாலிங்கம், சந்தனமகாலிங்கம், சுந்தரமூர்த்தி சுவாமிகளுக்கு சிறப்பு அபிஷேகங்கள் நடந்தன. ராஜஅலங்காரத்தில் சுவாமிகள் காட்சியளிக்க தமிழகத்தின் பல்வேறு பகுதிகளிலிருந்து வந்த பக்தர்கள் தரிசனம் செய்தனர். வனத்துறையினரும், போலீசாரும் பாதுகாப்பு பணியில் ஈடுபட்டனர்.