திருச்செந்தூரில் ஆவணி திருவிழா கொடியேற்றத்துடன் துவங்கியது

துாத்துக்குடி, திருச்செந்துார் சுப்பிரமணிய சுவாமி கோயில் ஆவணி திருவிழா கொடியேற்றத்துடன் நேற்று துவங்கியது. இருப்பினும் பக்தர்களுக்கு அனுமதியில்லை.

திருச்செந்துார் சுப்பிரமணிய சுவாமி கோயிலில் ஆவணி திருவிழா நேற்று காலை கொடியேற்றத்துடன் துவங்கியது. இரவு 1:00 மணிக்கு நடை திறக்கப்பட்டு, 1:30 மணிக்கு விஸ்வரூப தீபாராதனை நடந்தது. காலை 4.30 மணிக்கு கொடிபட்டம் வீதி சுற்றி மீண்டும் கோயிலை வந்தடைந்தது. பின்னர் கொடிமரத்திற்கு சோடஷ தீபாராதனை நடந்தது. திருவாவடுதுறை ஆதினம் உள்பட பலர் பங்கேற்றனர். செப் 7 வரை 12 நாட்கள் திருவிழா நடக்கிறது. கொரோனாவால் செப்.,5 வரை பக்தர்களுக்கு அனுசமதியில்லை. முக்கிய நிகழ்ச்சியாக பத்தாம் திருவிழாவான தேரோட்டம் நடக்காது எனவும் அறிவிக்கப்பட்டுள்ளது.