தசரா யானைகளின் பாதுகாப்புக்காக கண்காணிப்பு கேமரா

மைசூரு : கொரோனா சூழ்நிலை இருப்பதால் இம்முறை அரண்மனையில் முகாமிட்டுள்ள தசரா யானைகளின் பாதுகாப்புக்காக எட்டு கண்காணிப்பு கேமராக்கள் பொருத்தப்பட்டுள்ளது.

கொரோனாவால் நடப்பாண்டும் கூட மைசூரு தசரா எளிமையாக கொண்டாடப்படுகிறது. ஆனால் சுற்றுலா தலங்கள் திறந்திருக்கும். சுற்றுலா பயணியர் பெருமளவில் வருகை தருகின்றனர்.இதனால் யானைகள் குளிக்கும் இடம், பாகன்கள் தங்கியுள்ள இடம், அபிமன்யூ இருக்கும் இடம், உணவு தயாரிக்கும் இடம் என அனைத்து இடங்களிலும் வனத்துறை பொருத்திய எட்டு கேமராக்கள் கண்காணிக்கின்றன.யானைகள் தங்கியுள்ள இடத்துக்கு செல்ல பொதுமக்களுக்கு தடை விதிக்கப்பட்டுள்ளது. செல்பி எடுக்கவும் தடை விதிக்கப்பட்டுள்ளது.யானைகள், பாகன்களுக்கு உணவு தயாரிப்போர், முக கவசம் அணிய வேண்டும். உணவு கொடுக்கும் போது இரண்டு முறை கை கழுவ வேண்டும் என உத்தரவிடப்பட்டுஉள்ளது.