சரண கோஷத்துடன் தர்மசாஸ்தா திருக்கல்யாணம் கோலாகலம்

பரமக்குடி: பரமக்குடி தர்ம சாஸ்தா ஐயப்பன் கோயிலில், புஷ்கலா தேவி சமேத தர்மசாஸ்தா திருக்கல்யாணம் நடந்தது.கேரளா மாநிலம் ஆரியங்காவு கோயிலுக்கு அடுத்தபடியாக, பரமக்குடி தரைப்பாலம் அருகில்தர்ம சாஸ்தா ஐயப்பன் கோயிலில் ஆண்டுதோறும் திருக்கல்யாணம் நடப்பது வழக்கம். டிச., 24 இரவு 7:00 மணிக்கு நிச்சயதார்த்தம், விசேஷ அபிஷேகம், தீபாராதனை நடந்தன.நேற்று காலை 10:35 மணிக்கு மாப்பிள்ளை அழைப்பு மேளதாளத்துடன்நடந்தது. தொடர்ந்து மாலை மாற்றுதல் நிறைவடைந்தது, 11:30 மணிக்கு புஷ்கலா தேவி சமேத தர்ம சாஸ்தாவுக்கு திருக்கல்யாணம் நடந்தது.தீபாராதனை நிறைவடைந்து பிரசாதம்,அன்னதானம் வழங்கப்பட்டது. இரவு பட்டு பல்லக்கில் தாயாருடன் சுவாமி வீதி வலம் வந்தார். ஏற்பாடுகளை தர்மசாஸ்தா சேவா சங்கம் மற்றும் திருக்கல்யாண விழா கமிட்டியினர் செய்து வந்தனர்.