பழநி உண்டியல் காணிக்கை ரூ.7.17 கோடி.

பழநி: பழநி மலைக்கோயிலில் மூன்று நாட்கள் உண்டியல் எண்ணிக்கையில் ரூ.7 கோடியே 17 லட்சம் கிடைத்ததுள்ளது.

பழநியில் மலைக்கோயிலில் பிப்.20,21,22 ல்‌ உண்டியல் எண்ணிக்கை நடைபெற்றது. (பிப்.22ல்‌), மூன்றாம் நாள் எண்ணிக்கையில் காணிக்கையாக 354 கிராம் தங்க பொருட்களும், 18 ஆயிரத்து 860 கிராம் வெள்ளி பொருட்கள் கிடைத்தன. மேலும் ரூ. 2 கோடியே 7 லட்சத்து 61 ஆயிரத்து 626, மற்றும் 157 வெளிநாட்டு கரன்சிகள் காணிக்கையாக கிடைத்துள்ளது. பிப்.20,21,22 மூன்று நாட்கள் உண்டியல் எண்ணிக்கையில் மொத்த காணிக்கையாக 1,248 கிராம் தங்கமும், 48 ஆயிரத்து 277 கிராம் வெள்ளியும் கிடைத்தது. மேலும் ரூ. 7 கோடியே 17 லட்சத்து 42 ஆயிரத்து 126, மற்றும் 2,529 வெளிநாட்டு கரன்சிகள் காணிக்கையாக கிடைத்துள்ளது. உண்டியல் எண்ணிக்கையில் இணை ஆணையர் நடராஜன், அலுவலர்கள், பணியாளர்கள், ஊழியர்கள், கல்லூரி மாணவ, மாணவிகள், ஆசிரியர்கள் உட்பட பலர் கலந்து கொண்டனர்.