திட்டக்குடி வைத்தியநாதசுவாமி கோவிலில் ஆடிப்பூர திருவிழா கொடியேற்றம்

திட்டக்குடி: திட்டக்குடி அசனாம்பிகை உடனுறை வைத்தியநாதசுவாமி கோவிலில், ஆடிப்பூர திருக்கல்யாண விழா நேற்று கொடியேற்றத்துடன் துவங்கியது.

விழாவை முன்னிட்டு நேற்று முன்தினம் மாலை 6மணிக்கு மேல் அனுக்ஞை, வாஸ்துசாந்தி, மிருத்சங்க்ரஹணம் முதலிய பூர்வாங்க பூஜைகள் நடந்தது. நேற்று காலை வைத்தியநாத சுவாமி கோவில் வளாகத்தில் உள்ள அசனாம்பிகை அம்மன் சன்னதி முன்பு உள்ள கொடிமரத்தில், காலை 10மணிக்கு கொடியேற்றப்பட்டு விழா துவங்கியது. கொடிமரத்திற்கு பால், சந்தனம், திரவியப்பொடி உள்ளிட்டவைகளால் அபிஷேகம் செய்யப்பட்டு, மஹா பூர்ணாஹூதி நடந்தது. தொடர்ந்து மஹா தீபாராதனை காண்பிக்கப்பட்டது. விழாவில் அறநிலையத்துறை அதிகாரிகள், உபயதாரர்கள், பொதுமக்கள் பங்கேற்றனர். ஜூலை 22ம் தேதி திருக்கல்யாண விழா நடக்கிறது.