உத்தரகோசமங்கை கருப்பண்ணசாமி கோயிலில் கும்பாபிஷேகம்

உத்தரகோசமங்கை; உத்தரகோசமங்கை கருப்பண்ணசாமி, வீரமாகாளி, ராக்காச்சி அம்மன் கோயில்களில் கும்பாபிஷேகம் இன்று நடந்தது. செப்.3 அன்று முதல்கால யாகசாலை பூஜையுடன் விழா துவங்கியது. விழாவில் விக்னேஸ்வர பூஜை, மகாலட்சுமி ஹோமம், நவகிரக ஹோமம், நாடி சந்தனம், யாத்ராதானம், பூர்ணாகுதி உள்ளிட்டவைகள் நடந்தது. தொடர்ந்து இன்று காலை 10:30 மணியளவில் கோபுர விமான கலசத்தில் உத்தரகோசமங்கை கோயில் பாலசுப்ரமணிய சிவாச்சாரியார், நாகநாதர் குருக்கள் புனித நீர் ஊற்றி கும்பாபிஷேகம் செய்தனர். மூலவர்களுக்கு சிறப்பு அபிஷேக அலங்கார தீபாராதனை நடந்தது. பக்தர்களுக்கு அன்னதானம் வழங்கப்பட்டது. ஏற்பாடுகளை கோயில் நிர்வாக குழு மற்றும் விழா கமிட்டியினர் செய்திருந்தனர்.