நத்தம் பகுதியில் விநாயகர் சதுர்த்தி விழா

நத்தம், நத்தம் அருகே திருமலைக்கேணி சுப்பிரமணிய சுவாமி கோவிலில் உள்ள விநாயகர் கோயிலில் விநாயகர் சதுர்த்தியையொட்டி சிறப்பு பூஜைகளும், அலங்காரமும், தீபாராதனைகளும் நடந்தது. மேலும் அருகில் உள்ள முருகப் பெருமானுக்கும் விசேஷ பூஜைகள் நடந்தது.இதில் சுற்றுவட்டாரங்களிலிருந்து ஏராளமான பக்தர்கள் கலந்து கொண்டனர். இதைப்போலவே நத்தத்தில் பெரிய விநாயகர்,வெற்றி விநாயகர், லெட்சுமி விநாயகர் கோயில்களிலும், வேம்பார்பட்டி சக்தி விநாயகர் கோயில்,அய்யாபட்டி மாணிக்க விநாயகர் கோயில் , கம்பிளியம்பட்டி சக்தி விநாயகர் உள்ளிட்ட விநாயகர் கோவிலில் விநாயகர் சதுர்த்தியை முன்னிட்டு சிறப்பு பூஜைகள் நடந்தது.