கூராங்கோட்டை தர்மமுனீஸ்வரர் கோயிலில் வருடாந்திர உற்ஸவ விழா

சாயல்குடி; சாயல்குடி அருகே கூராங்கோட்டையில் பழமையும் புரதான சிறப்பை பெற்ற தர்ம முனீஸ்வரர் கோயில் உள்ளது. வருடாந்திர உற்ஸவ விழாவை முன்னிட்டு இங்கு மூலவர் தர்ம முனீஸ்வரர் உள்ளிட்ட பரிவார தெய்வங்களுக்கு சிறப்பு அபிஷேக அலங்கார தீபாராதனைகள் நடந்தது. நேற்று காலை 6:00 மணிக்கு கூராங்கோட்டை அருகே உள்ள மலட்டாற்று கரையில் பச்சை பல்லக்கில் பவனி வந்து, தீர்த்தவாரி உற்ஸவமும், நேர்த்திக்கடன் பக்தர்களால் அலகு குத்தி, பால்குடம் காவடி எடுத்து வந்தனர். பறவை காவடி வீதி உலா வந்தது. மாலை 5:00 மணிக்கு சாயல்குடி நகரில் இருந்து கூராங்கோட்டை வரை குதிரை எடுப்பு விழாவும் நடந்தது. இன்று காலை 7:00 மணிக்கு அய்யனாருக்கு பொங்கல் வைத்து கிடாய் வெட்டுதலும், இரவில் வள்ளி திருமணம் நாடகமும் நடக்கிறது. தொடர்ந்து இரண்டு நாட்கள் அன்னதானம் நடந்து வருகிறது. ஏற்பாடுகளை கூராங்கோட்டை கிராம பொதுமக்கள் மற்றும் விழா குழுவினர் செய்து வருகின்றனர்.