ஆதி பரஞ்சோதி சகலோக சபை மடத்தில் பிரத்தியங்கிரா தேவி யாகம்

கோபால்பட்டி; மேட்டுக்கடை மல்லத்தான்பாறை ஆதி பரஞ்சோதி சகலோக சபை மடத்தில் புரட்டாசி மாத அமாவாசையன்று நடந்த பிரத்தியங்கிரா தேவி மிளகாய் யாகத்தை சபை நிர்வாகி டாக்டர் திருவேங்கட ஜோதி பட்டாச்சாரியார் நடத்தி வைத்தார். இதையொட்டி 50க்கு மேற்பட்ட வகை நாட்டு மாடுகளுக்கு பக்தர்களால் அகத்திக்கீரை உணவுகள் வழங்ககோ பூஜை நடந்தது. மாலையில் மடத்தில் உள்ள யாகசாலையில் நரசிம்மர் கலசங்களுக்கு பூக்களால் அலங்கரிக்க பிரத்தியங்கிரா தேவி அம்மன் பூக்கள் அலங்காரத்தில் எழுந்தருள சிறப்பு பூஜைகள் செய்யப்பட்டது. வேத மந்திரம் முழங்க யாகுண்டத்தில் மிளகாய் வத்தலை கொட்ட உலக நன்மை வேண்டி பிரத்தியங்கிரா தேவி யாகம் நடத்தப்பட்டது. மதுரை, தேனி, திருச்சி, சிவகங்கை மாவட்ட பக்தர்கள் பங்கேற்றனர். அன்னதானம் வழங்கப்பட்டது.