மெய்சிலிர்க்க வைக்கும் அயோத்தி ராமர் கோவில் முதல் தளம்; தீபாவளிக்கு தயார்

அயோத்தி; தீபாவளிக்கு ராம ஜென்மபூமி தயாராகி வருகிறது, ஸ்ரீ ராமர் மந்திரின் முதல் தளத்திலிருந்து அற்புதமான படங்கள் வெளிவந்துள்ளன, இது பக்தர்களை மெய்சிலிர்க்க வைத்துள்ளது.

ராம ஜென்மபூமி 2025 தீபாவளிக்கு தயாராகி வருகிறது, ஸ்ரீ ராம ஜென்மபூமி மந்திரின் முதல் தளத்திலிருந்து முதன்முதலில் காட்சிகள் வெளிவந்துள்ளன, இது பக்தர்களுக்கு பிரமாண்டமான ஸ்ரீ ராமர் தர்பாரின் காட்சியை வழங்குகிறது. தெய்வீக மரியாதையை ஊக்குவிக்கவும் கட்டிடக்கலை மகத்துவத்தை வெளிப்படுத்தவும் உருவாக்கப்பட்ட இந்த தளம், ராமரின் அரசவையை அழகாக பிரதிபலிக்கிறது.

முதல் தளத்தில் அழகாக வடிவமைக்கப்பட்ட ஐந்து அரங்குகள் உள்ளன: நிருத்ய மண்டபம், ரங் மண்டபம், சபா மண்டபம், பிரார்த்தனை மண்டபம் மற்றும் கீர்த்தனை மண்டபம் இதில் உள்ளது. மையத்தில், ராமர், மாதா சீதா, ஹனுமான் மற்றும் ராமரின் சகோதரர்களான பரதன், லட்சுமணன் மற்றும் சத்ருகன் ஆகியோரின் பளிங்கு சிலைகள் பிரதிஷ்டை செய்யப்பட்டுள்ளன. ராமரும் சீதையும் தங்க முலாம் பூசப்பட்ட சிம்மாசனத்தில் அமர்ந்திருக்கிறார்கள், ஹனுமானும் பரதனும் அவர்களின் காலடியில் இருக்கிறார்கள், லட்சுமணனும் சத்ருகனும் அவர்களுக்குப் பின்னால் மரியாதையுடன் நிற்கிறார்கள். இந்த காட்சிகள் பக்தர்ளை மெய்சிலிர்க்க வைத்ததுடன், கட்டிடக்கலை அழகை எடுத்துக்காட்டுகின்றன. இந்தாண்டு தீபாவளி சிறப்பு வழிபாடு வரும் அக்டோபர் 18 முதல் 20 வரை நடைபெறும், தீபாவளிக்கு ஒரு நாள் முன்பு அக்டோபர் 19 அன்று முக்கிய தீப உற்சவம் நடைபெறும். நகரம் 28 லட்சம் தீபங்களால் ஒளிர செய்யப்பட உள்ளது.