திருச்சானூர் பிரம்மோற்சவம்; சந்திர பிரபை வாகனத்தில் பத்மாவதி தாயார் உலா
ADDED :4 minutes ago
திருப்பதி; திருச்சானூர் வருடாந்திர பிரம்மோற்சவ விழாவில் பத்மாவதி தாயார் சந்திர பிரபை வாகனத்தில் உலா வந்து அருள்பாலித்தார்.
திருச்சானூர் பத்மாவதி தாயார் கோவிலில் கார்த்திகை பிரம்மோற்சவம் சிறப்பாக நடைபெற்று வருகிறது. விழாவின் 7-வதுநாளான நேற்று காலைபத்மாவதி தாயார் ‘யோக நாராயணா’ அலங்காரத்தில் சூரிய பிரபை வாகனத்தில் எழுந்தருளி உலா வந்து பக்தர்களுக்கு அருள்பாலித்தார். அதைத்தொடர்ந்து இரவு 7 மணிக்கு சந்திர பிரபை வாகனத்தில் பத்மாவதி தாயார் சிறப்பு அலங்காரத்தில் எழுந்தருளி கோவிலின் நான்கு மாடவீதிகளில் உலா வந்து பக்தர்களுக்கு அருள்பாலித்தார். உலாவின் போது நடைபெற்ற பல்வேறு நடனங்கள் பக்தர்களை பிரமிக்க வைத்தது. விழாவில் பெரிய ஜீயர் சுவாமி, சின்ன ஜீயர் சுவாமி, தேவஸ்தான அதிகாரி உள்பட ஏராளமான கலந்து கொண்டு தரிசனம் செய்தனர்.