அயோத்தி ஸ்ரீ ராம் ஜன்மபூமி கோயிலில் மண்டல பூஜை; டிசம்பர் 27 துவக்கம்

அயோத்தி:  பூஜ்ய ஸ்ரீ மஹந்த் நிருத்ய கோபால் தாஸ் அவர்களின் தலைமையில் ஸ்ரீ ராம் ஜன்மபூமி தீர்த்த க்ஷேத்ரா அறக்கட்டளையின் கூட்டம் நடைபெற்றது. இதில், பிரதிஷ்டா துவாதசிக்காக முன்மொழியப்பட்ட நிகழ்ச்சிகள் உட்பட பல்வேறு விஷயங்கள் குறித்து விவாதிக்கப்பட்டது.

 பிராண பிரதிஷ்டைக்கு முன்பு பிரபு ஸ்ரீ ராம்லால் தனது சகோதரர்களுடன் அமர்ந்திருந்த இடத்தில் ஒரு கோயில் கட்டப்படும் என்று அறக்கட்டளை முடிவு செய்துள்ளது. இந்தக் கோயிலுக்கு அருகில், ஸ்ரீ ராமர் கோயில் இயக்கத்தின் போது தங்கள் இன்னுயிரை ஈந்த தியாகிகளின் நினைவாக ஒரு நினைவுச் சின்னமும் கட்டப்பட்டு வருகிறது. பிரதிஷ்டா துவாதசியின் அனைத்து நிகழ்ச்சிகளும் அங்கத் திலாவில் நடைபெறும் என்றும் கூட்டத்தில் முடிவு செய்யப்பட்டது.  இந்த நிகழ்ச்சிகளின் ஒரு பகுதியாக, ஸ்ரீ ராம கதை ஏற்பாடு செய்யப்படும். டிசம்பர் 27 முதல் 31 வரை, ஸ்ரீ ராம் ஜன்மபூமி கோயிலில் மண்டல பூஜை நடைபெறும். அத்துடன், ஸ்ரீ ராமசரிதமானசத்தின் இசை அகண்ட பாராயணமும் நடைபெறும்.

பிரபல பாடகர்களான ஸ்ரீ அனூப் ஜலோட்டா, ஸ்ரீ சுரேஷ் வாட்கர் மற்றும் திருமதி திருப்தி ஷாக்யா ஆகியோரால் பஜன் சந்தியா நிகழ்த்தப்படும். இது தவிர, கதக் நடன நாடகம் உட்பட பிற கலாச்சார நிகழ்ச்சிகளும் ஏற்பாடு செய்யப்படும். பிரபு ஸ்ரீ ராமரின் நற்பண்புகளைப் போற்றிப் பாடுவதற்காகக் கவிஞர்களும் பங்கேற்பார்கள், இதற்காக ஒரு கவி சம்மேளனம் ஏற்பாடு செய்யப்படும். மேலும், கோயில் கட்டுமானப் பணியில் ஈடுபட்டுள்ள சுமார் 400 தொழிலாளர்கள், மார்ச் 19-ஆம் தேதி நடைபெறும் ஒரு நிகழ்ச்சியில் கௌரவிக்கப்படுவார்கள் என்றும் அறக்கட்டளை முடிவு செய்துள்ளது.