ஹலசூரு பான் பெருமாள் கோவிலில் 30ல் வைகுண்ட ஏகாதசி விழா
ADDED :46 minutes ago
ஹலசூரு: ஹலசூரு பான்பெருமாள் கோவில் ஸ்ரீ கிருஷ்ணா மந்திரில், வரும் 30 ம் தேதி வைகுண்ட ஏகாதசி கொண்டாடப்படுகிறது.
வைகுண்ட ஏகதாசியை முன்னிட்டு பெங்களூரு ஹலசூரு பான்பெருமாள் கோவில் ஸ்ரீகிருஷ்ணா மந்திரியில், வரும் 30 ம் தேதி காலை 5:30 முதல் இரவு 10:30 மணி வரை ஸ்ரீ வேணுகோபால சுவாமிக்கு வைரமுடி அலங்காரம்; வைகுண்ட வாசலில் வைகுண்ட சீனிவாசர் அருள்பாலிக்கிறார். அதிகாலையில் ஸ்ரீ வேணுகோபால சுவாமிக்கு ஏகாந்த அபிஷேகம் செய்யப்படுகிறது. காலை 6:00 மணி முதல் வைகுண்ட வாசல் தரிசனம், அர்ச்சனை, ஆரத்தி, தீர்த்த பிரசாதம் வழங்கப்படுகிறது. ஏகாதசி அன்று ஸ்ரீவேணுகோபால சுவாமியின் அருளை பெறுமாறு, கோவில் தலைவர் ஏகமூர்த்தி ராமானுஜ தாசர், பிரதான அர்ச்சகர் விஷ்ணு பட்டர் கேட்டு கொண்டுள்ளனர்.