திருப்போரூர் கந்தசுவாமி கோவிலில் மார்கழி கிருத்திகை விழா

திருப்போரூர்: திருப்போரூர் கந்தசுவாமி கோவிலில், மார்கழி கிருத்திகை விழா விமரிசையாக நடைபெற்றது. திருப்போரூரில் உள்ள கந்தசுவாமி கோவிலில், மாதந்தோறும் கிருத்திகை விழா சிறப்பாக நடைபெறுவது வழக்கம். அந்த வகையில் இன்று மார்கழி மாத கிருத்திகை விழா, விமரிசையாக நடைபெற்றது. இன்று அதிகாலை 3:00 மணியளவில், கோவில் நடை திறக்கப்பட்டது. புத்தாண்டு மற்றும் கிருத்திகை விழாவால் சுவாமியை தரிசிக்க ஏராளமான பக்தர்கள் வந்தனர். மாலையில் கந்தசுவாமி பெருமான், வள்ளி மற்றும் தெய்வானையுடன், சிறப்பு அலங்காரத்தில் நான்கு மாட வீதிகளிலும் திருவீதிவுலா சென்று பக்தர்களுக்கு அருள்பாலித்தார்.