அவிநாசி லிங்கேஸ்வரர் கோயிலில் சனி பெயர்ச்சி யாக விழா

அவிநாசி; அவிநாசி ஸ்ரீ கருணாம்பிகை உடனமர் அவிநாசி லிங்கேஸ்வரர் கோவிலில் சனிப்பெயர்ச்சி யாக வேள்வி விழா நடைபெற்றது.

கொங்கேழு சிவஸ்தலங்களில் முதன்மையானதாக விளங்கும், காசியில் வாசி அவிநாசி என போற்றுதலுக்குரிய ஸ்ரீ கருணாம்பிகை உடனமர் அவிநாசி லிங்கேஸ்வரர் கோவிலில் நேற்று சனி பெயர்ச்சி யாக வேள்வி விழா நடைபெற்றது. வாக்கிய பஞ்சாங்கத்தின் படி நேற்று காலை 8.24 மணிக்கு கும்ப ராசியில் இருந்து குருவின் வீடான மீன ராசிக்கு சனி பகவான் பெயர்ச்சியானார். பின்னர் சனீஸ்வர பகவானுக்கு நல்லெண்ணெய், பால், தயிர், பஞ்சாமிர்தம், தேன் உள்ளிட்ட திரவியங்களால் சிறப்பு அபிஷேகம் நடைபெற்றது . தொடர்ந்து பரிகார ஹோமம், நவகிரக ஹோமம், சனீஸ்வர ஹோமம், சிறப்பு அபிஷேகம் மகா தீபாராதனை ஆகியவை நடைபெற்றது. இதில் ஏராளமான பக்தர்கள் கலந்து கொண்டனர்.