4ம் தேதி துவங்கி விமரிசை

சிங்காநல்லுார் அக்ரஹாரத்தில் உள்ள உலகளந்த பெருமாள் கோவிலில், கடந்த சில மாதங்களாக புனரைமைப்பு பணிகள் நடந்து வந்தன. பணிகள் முடிந்த நிலையில், இன்று மகா கும்பாபிஷேகம் நடக்கவுள்ளது.

இதற்கான விழா, கடந்த 4ம் தேதி காலை 8:00 மணிக்கு மகா சுதர்சன ஹோமத்துடன் துவங்கியது. அன்று காலை 11:30 மணிக்கு சாற்றுமறை, தீர்த்தம், சடாரி பிரசாதம் வழங்கப்பட்டது. மாலை 6:00 மணிக்கு அங்குரார்பணம், சோம ஹோமம், வேத, திவ்யப்ரபந்தம், வாஸ்து ஹோமம் நடந்தது.

5ம் தேதி காலை 8:00 மணிக்கு, உத்சவர் மற்றும் ஆச்சார்யார்கள் ரக்ஷா பந்தனம், தீர்த்த சங்க்ரஷனம், கலாகர்ஷணம் நடந்தன. காலை 10:00 மணிக்கு, யாகசாலை பிரவேசம், முதலாம் கால யாக சாலையும், மதியம் 12:00 மணிக்கு வேத திவ்யப்ரபந்த சாற்றுமறையும், மாலை 4:00 மணிக்கு, ஸ்ரீதேவி பூதேவி சமேத வரதராஜபெருமாளுக்கு சகல உபசாரங்களுடன் 81 கலச திருமஞ்சனம் நடந்தன. மாலை 6:00 மணிக்கு இரண்டாம் கால யாக சாலை துவங்கியது.

நேற்று காலை 9:00 மணிக்கு மூன்றாம் கால யாகசாலையும், மதியம் 12:00 மணிக்கு திவ்யப்ரபந்த சாற்றுமறையும், மாலை 4:00 மணிக்கு பெருமாள், தாயார் கோபுரங்கள், ராஜகோபுரம், பரமபதவாசல் திருமஞ்சனம் ஆகியவை நடந்தன.

மாலை 6:00 மணிக்கு நான்காம் கால யாக சாலையும், இரவு 8:00 மணிக்கு விசேஷ சயனாதி வாசம், சாற்றுமறையும் நடந்தன.