வடகோவை ஐயப்ப சுவாமி கோவிலில் பிரதிஷ்டை தின விழா

கோவை; மேட்டுப்பாளையம் ரோடு வடகோவை, ஐயப்ப சுவாமி கோவிலின் பிரதிஷ்டை தின விழா இன்று வியாழக்கிழமை நடைபெற்றது. முதல் நிகழ்வாக காலை கணபதி ஹோமம் நடைபெற்றது. இதை பரமேஸ்வரன் அண்டாளாடி தந்திரி அவர்கள் நடத்தி வைத்தார். அதனை தொடர்ந்து உஷ பூஜை அஷ்டா பிஷேகம், நவகம் பஞ்சகவ்ய அபிஷேகம் நிறைவாக மூலவர் சுவாமி ஐயப்பனுக்கு அபிஷேகம் பூஜை நடந்தது. இதில் மூலவர் சுவாமி தீப ஒளியில் பக்தர்களுக்கு காட்சியளித்தார். இந்த நிகழ்ச்சியில் ஏராளமான பக்தர்கள் கலந்து கொண்டு சுவாமி ஐயப்பனை தரிசனம் செய்தனர். பக்தர்களுக்கு அன்னதானம் வழங்கப்பட்டது. தொடர்ந்து சுற்றுவிளக்கு பூஜை நடைபெற்று தீபாராதனையுடன் நடை சாத்தப்பட்டது.