பெரியகுளம் கவுமாரியம்மன் ஆனித்திருவிழா

பெரியகுளம்: பெரியகுளம் கவுமாரியம்மன் கோயில் திருவிழாவில், கடந்த 1ம் தேதி சாட்டுதல் நிகழ்ச்சி நடந்தது. நேற்று கொடியேற்றத்துடன் திருவிழா துவங்கியது. அம்மனுக்கு அபிஷேக, ஆராதனைகள் நடந்தது. சிறப்பு அலங்காரத்தில் அம்மன் காட்சியளித்தார். பத்து நாட்கள் நடக்கும் திருவிழாவில் குதிரை, யானை, பூப்பல்லாக்கு, அன்னபட்ஷி, ரிஷப வாகனத்தில் அம்மன் வீதி உலா வந்து பக்தர்களுக்கு காட்சியளிப்பார். முக்கிய திருவிழாவான ஜூலை 15ல் மாவிளக்கு வழிபாடும், 16ம்தேதி அக்னிசட்டி எடுக்கும் நிகழ்ச்சிகள் நடக்கிறது. கொடியேற்றத்திற்கு செயல்அலுவலர் சுதா தலைமை வகித்தார். மண்டக்கப்படிதாரர்கள், வர்த்தகபிரமுகர்கள், ஆன்மிக பக்தர்கள் கலந்து கொண்டனர்.