பழநி மலைக்கோயில் உண்டியல் வசூல் ரூ.1.33 கோடி!

பழநி:பழநி மலைக்கோயில் கார்த்திகை மண்டபத்தில் உண்டியல் எண்ணிக்கை நடந்தது. இதில் 20 நாள் வசூலாக பணமாக ரூ. ஒரு கோடியே 33 லட்சத்து 67 ஆயிரத்து 568, தங்கம் 630 கிராம், வெள்ளி 8 ஆயிரத்து 500 கிராம், வெளிநாடுகளின் கரன்சி 677 கிடைத்துள்ளது. தங்கத்திலான வேல், தொட்டில், செயின், வளையல், மோதிரம், நாணயம், திருமாங்கல்யம் மற்றும் வெள்ளியிலான முருகன் சிலைகள், ஆள் உருவம், கப்பல், வேல், பாதம், கொலுசு உள்ளிட்ட வைகளை பக்தர்கள் காணிக்கையாக செலுத்தியுள்ளனர். பழநி கோயில் இணை ஆணையர் ராஜமாணிக்கம், துணை ஆணையர்(பொ) மேனகா மற்றும் அதிகாரிகள் உண்டியல் எண்ணிக்கையின் போது உடனிருந்தனர்.