காப்பது கருப்பரின் பொறுப்பு!
திருப்புத்தூரில் இருப்பவனே - எங்கள்
தீராத வினைகளைத் தீர்ப்பவனே
கருப்பா சங்கிலிக் கருப்பய்யா - எம்மை
காப்பது உன் தன் பொறுப்பய்யா
திருப்புத்தூர் நோக்கி வருகின்றோம் உன்
திருநாமம் என்றும் சொல்கின்றோம்
கருப்பா சங்கிலிக் கருப்பய்யா - எம்மை
காப்பது உன்தன் பொறுப்பய்யா!
ராங்கியம் நோக்கியும் சொல்கின்றோம் - என்றும்
ராப்பகல் உன்புகழ் சொல்கின்றோம்
கருப்பா சங்கிலிக் கருப்பய்யா - எம்மை
காப்பது உன்தன் பொறுப்பய்யா!
ஆடித் திங்கள் வெள்ளியிலே - உனக்கு
அங்கிகள் பூட்டி வணங்கிவாரோம்!
கருப்பா சங்கிலிக் கருப்பய்யா - எம்மை
காப்பது உன்தன் பொறுப்பய்யா!
பாதங்கள் தேய நடந்துவாரோம் - உன்திரு
பாதங்கள் காண ஓடிவாரோம்
கருப்பா சங்கிலித் கருப்பய்யா - எம்மை
காப்பது உன்தன் பொறுப்பய்யா!
முப்பிலி கொடுத்து கும்பிடுறோம் - உனக்கு
முறையாய்ப் படையல் செய்திடுறோம்
கருப்பா சங்கிலித் கருப்பய்யா - எம்மை
காப்பது உன்தன் பொறுப்பய்யா!
அனைவரும் சேர்ந்தே உன்பாதம் - என்றும்
அனுதினம் நாளும் பணிந்துவாரோம்
கருப்பா சங்கிலிக் கருப்பய்யா- எம்மை
காப்பது உன்தன் பொறுப்பய்யா!
குதிரையின் மேலே அமர்ந்துவர - இரு
குதிரைகள் செய்து மகிழ்ந்து வாரோம்
கருப்பா சங்கிலிக் கருப்பய்யா - எம்மை
காப்பது உன்தன் பொறுப்பய்யா!