சிவன் கோவில்களில் பிரதோஷ வழிபாடு
ADDED :3594 days ago
கள்ளக்குறிச்சி: கள்ளக்குறிச்சி, சின்னசேலம் பகுதி சிவன் கோவில்களில் பிரதோஷ வழிபாடு நடந்தது. கள்ளக்குறிச்சி அடுத்த நீலமங்கலம் செம்பொற்ஜோதிநாதர் கோவிலில் நந்தி சுவாமிக்கு சிறப்பு அபிஷேக, ஆராதனை செய்தனர். இதேபோல் கள்ளக்குறிச்சி சிதம்பரேஸ்வரர், ஏமப்பேர் விஸ்வநாதேஸ்வரர், தென்கீரனூர் மற்றும் முடியனூர் அருணாசலேஸ்வரர், நீலமங்கலம் ஏகாம்பரேஸ்வரர், வரஞ்சரம் பசுபதீஸ்வரர் ஆகிய கோவில்களில் பிரதோஷ வழிபாடு நடந்தது.
சின்னசேலம்: தென்பொன்பரப்பி சொர்ணபுரீஸ்வரர் கோவிலில், மூலவருக்கு அண்ணாமலையார் அலங்காரமும், நந்தீஸ்வரருக்கு 16 வகையான அபிஷேகம் செய்து, சிறப்பு பூஜைகள் நடந்தது. இதேபோல் சின்னசேலம் கங்காதீஸ்வரர் கோவில், ராயர்பாளையம் குமாரதேவர் மடம் பழமலைநாதர் கோவில், ராயப்பனூர் சிவன் கோவில், குரால் புவனேஸ்வரர் கோவில், உலகியநல்லூர் அர்த்தநாரீஸ்வரர், கூகையூர் சொர்ணபுரீஸ்வரர் கோவில், பஞ்சாட்சரநாதர் கோவில் ஆகியவற்றில் பிர தோஷ வழிபாடு நடந்தது.