தாயமங்கலம் கோயில் பங்குனி விழா: மார்ச் 28ல் கொடியேற்றம்!

இளையான்குடி: சிவகங்கை மாவட்டம், தாயமங்கலம் முத்துமாரியம்மன் கோயிலில் பங்குனித் திருவிழா மார்ச் 28 இரவு 10:05 மணிக்கு கொடியேற்றத்துடன் துவங்குகிறது.மார்ச் 29 ல் காலை 8:55 மணிக்கு லட்சார்ச்னை நடக்கிறது. தினமும் சிம்மம், குதிரை, காமதேனு, அன்னம், பூத வாகனங்களில் அம்மன் வீதி உலா நடக்கும். ஏப்., 4 ல் பொங்கல் விழா, ஏப்ரல் 5 இரவு 7.35 மணிக்கு தேரோட்டம் நடக்கின்றன. ஏப்.,6 காலை 7:20 மணிக்கு பால்குடம், மாலை 6:15 மணிக்கு ஊஞ்சல், இரவு 10:35 மணிக்கு புஷ்பபல்லக்கு நடக்கின்றன.  ஏப்.,7 ல் இரவு 7:30 மணிக்கு தீர்த்தவாரியுடன் விழா நிறைவுபெறுகிறது. ஏற்பாடுகளை பரம்பரை டிரஸ்டி வெங்கடேசன் செட்டியார் தலைமையில் கோயில் பணியாளர்கள் செய்து வருகின்றனர்.