கூடுவாஞ்சேரி மல்லிகேஸ்வரர் கோவிலில் கும்பாபிஷேகம்

கூடுவாஞ்சேரி: கூடுவாஞ்சேரி, மல்லிகேஸ்வரர் கோவிலில், நேற்று, கும்பாபிஷேகம் நடைபெற்றது. கூடுவாஞ்சேரியை அடுத்த, மகாலட்சுமி நகர், விரிவு, 7ல்  அமைந்துள்ள, மல்லிகேஸ்வரர் கோவிலில், நேற்று கும்பாபிஷேகம் நடைபெற்றது.  இதற்காக, 8ம் தேதி கணபதி பூஜையுடன் விழா துவங்கியது. வழிபாடுகளைத் தொடர்ந்து, நேற்று காலை, 9:00 மணிக்கு  மூலவர், மரகதவல்லி சமேத மல்லிகேஸ்வரர் சன்னிதிக்கும், ஸ்ரீதேவி, பூதேவி  சமேத பச்சை வர்ண பெருமாள், பால விநாயகர், பால முருகன் மற்றும் பரிவார  தெய்வங்களுக்கும் கும்பாபிஷேகம் நடைபெற்றது. இதில் அப்பகுதியினர் பெருந்திரளாக பங்கேற்றனர்.