பாகம்பிரியாள் கோயில் உண்டியல் வசூல் ரூ.7.49 லட்சம்

திருவாடானை, திருவெற்றியூர் பாகம்பிரியாள் கோயில் உண்டியல் எண்ணப்பட்டதில் 7 லட்சத்து 49 ஆயிரம் ரூபாய் ரொக்கம் வசூலானது. திருவாடானை அருகே திருவெற்றியூரில் பிரசித்தி பெற்ற பாகம்பிரியாள் கோயில் உள்ளது. இங்கு பக்தர்கள் காணிக்கை செலுத்த வசதியாக 8 உண்டியல்கள் வைக்கப்பட்டுள்ளது. இவை பிரார்த்தனை நேற்று முன்தினம் திறந்து எண்ணப்பட்டது. இதில் 7 லட்சத்து 49 ஆயிரத்து 352 ரூபாய் ரொக்கம், 145 கிராம் தங்கம், 495 கிராம் வெள்ளி இருந்தது. இந்து அறநிலையதுறை உதவி ஆணையர் ராமசாமி, சிவகங்கை தேவஸ்தான கண்காணிப்பாளர் இளங்கோ, சிரஸ்தார் சுப்பிரமணியன், கண்காணிப்பாளர் சரவணகணேசன், ஆய்வாளர் வசந்தா உள்பட கலந்து கொண்டனர்.