சாய்பாபா ஜெயந்தி விழா

பொள்ளாச்சி: பொள்ளாச்சி வெங்கடேசா காலனி சாய்மதுரம் கோவிலில், சத்யசாய்பாபாவின், 92வது பிறந்தநாள் விழாவையொட்டி, தினமும் காலை, 5:00 மணிக்கு, ஓம்காரம், சுப்ரபாதம் உள்ளிட்ட பூஜைகள் நடக்கின்றன. மாலையில் பஜனை உள்ளிட்ட பல்வேறு நிகழ்ச்சிகளும் நடக்கின்றன.நேற்றுமுன்தினம் மாலை நடந்த சாய் பஜன் நிகழ்ச்சியில் திரளான பக்தர்கள் பங்கேற்றனர். இதற்கான ஏற்பாடுகளை சத்ய சாய் சேவா சமிதியினர் செய்திருந்தனர்.

வால்பாறை: வால்பாறை கக்கன்காலனியில் சத்யசாய்பாபாவின், 92வது பிறந்த நாள் விழா கொண்டாடப்பட்டது. நேற்று காலை, 5:00 மணிக்கு ஓம்காரம், சுப்ரபாதம் உள்ளிட்ட பூஜைகள் நடந்தன.அதனை தொடர்ந்து கன்வீனர் சண்முகவேல் தலைமையில் பக்தர்களுக்கு அன்னதானம் வழங்கப்பட்டது. ஏற்பாடுகளை வால் பாறை சத்யசாய் சமிதி நிர்வாகிகள் செய்திருந்தனர்.