மீனாட்சி அம்மன் கோயிலில் டிஜிட்டல் ஆடியோ வசதி

மதுரை:மதுரை மீனாட்சி அம்மன் கோயிலில், ரூ.18 லட்சத்தில், 36 இடங்களில் பொருத்தப்பட்ட டிஜிட்டல் ஆடியோ ஸ்பீக்கர்கள் நேற்று முதல் பயன்பாட்டிற்கு வந்தன.இக்கோயில் கோபுரங்களில் குழாய் ஒலிபெருக்கிகள் மூலம் திருமுறைகள், ஓதுவார் பாடல்கள் மற்றும் "ஓம் நமசிவாய மந்திரங்கள் ஒலிபரப்பப்பட்டன. சுப்ரீம் கோர்ட் உத்தரவுபடி, குழாய் ஸ்பீக்கர்கள் பயன்படுத்த தடை உள்ளதால், கோபுரங்கள், உள்பிரகாரங்கள், பொற்றாமரைக்குளம் உட்பட 36 இடங்களில், பாக்ஸ் வடிவ டிஜிட்டல் ஆடியோ ஸ்பீக்கர்கள் பொருத்தும் பணி ஒருமாதமாக நடந்தது. இதற்கான ரூ.18 லட்சம் செலவை சிட்டி யூனியன் வங்கி ஏற்றது. இவ்வசதியை தக்கார் கருமுத்து கண்ணன், வங்கித் தலைவர் பாலசுப்பிரமணியன் தொடங்கி வைத்தனர். கோயில் நிர்வாக அதிகாரி ஜெயராமன் உடனிருந்தார்.