திருப்பரங்குன்றம் உண்டியல் வருமானம் ரூ.28 லட்சம்!

திருப்பரங்குன்றம் : திருப்பரங்குன்றம் சுப்பிரமணிய சுவாமி கோயிலில் ரூ. 28 லட்சம் உண்டியல் வருமானமாக கிடைத்தது. கோயிலில் 25 நிரந்தர உண்டியல்கள், 2 கிரிவல உண்டியல்கள் உள்ளன. கோயில் துணை கமிஷனர் செந்தில் வேலவன், மதுரை உதவி கமிஷனர் வில்வமூர்த்தி, தெற்கு ஆய்வர் உமா மகேஸ்வரி, தக்கார் பிரதிநிதி சுப்பிரமணியன் முன்னிலையில் உண்டியல்கள் திறந்து எண்ணப்பட்டன. ரூ. 28 லட்சத்து 7 ஆயிரத்து 126, தங்கம் 112 கிராம், வெள்ளி 950 கிராம் கோயிலுக்கு வருமானமாக கிடைத்தது. கோயில் பணியாளர்கள், தேவஸ்தான பெண்கள் மேல்நிலைப்பள்ளி மாணவிகள், அய்யப்ப சேவா சங்கத்தினர் உண்டியல் எண்ணும் பணியில் ஈடுபட்டனர்.