கோவில் திருவிழாவில் மாரியம்மன் திருவீதி உலா

கிருஷ்ணராயபுரம்: லாலாப்பேட்டை கடைவீதி மாரியம்மன் கோவில் திருவிழாவை முன்னிட்டு, அம்மன் சிறப்பு அலங்காரத்தில், முக்கிய வீதிகள் வழியாக சென்ற, திருவீதி உலா நேற்று நடந்தது. கிருஷ்ணராயபுரம் அடுத்த, லாலாப்பேட்டையில், கடைவீதி மாரியம்மன்  கோவில் உள்ளது. இக்கோவில் திருவிழாவை முன்னிட்டு, தினமும் பல்வேறு நிகழ்ச்சிகள் நடக்கின்றன. கோவிலில், நேற்று முன்தினம் இரவு, அம்மனுக்கு சிறப்பு அலங்காரம் செய்து, முக்கிய வீதிகள் வழியாக, சுவாமி திருவீதி உலா நடந்தது. இதில் ஏராளமான பக்தர்கள்  கலந்து கொண்டனர். நேற்று மதியம் சுவாமிக்கு சிறப்பு அபிஷேகம், ஆராதனை நடந்தது. பக்தர்களுக்கு அன்னதானம் வழங்கப்பட்டது.