சிவபுரிபட்டியில் வடுக பைரவர் பூஜை

 சிங்கம்புணரி:சிங்கம்புணரி அருகே சிவபுரிபட்டி தர்ம சம்வர்த்தனி உடனுறை சுயம்பிரகாச ஈஸ்வரர் கோயிலில் வடுக பைரவர் பூஜை நடந்தது.

சிவகங்கை சமஸ்தானம் தேவஸ்தானத்திற்கு உட்பட்ட இக்கோயிலில் வடுக பைரவருக்கு தனி சன்னதி உள்ளது. தேய்பிறை அஷ்டமி தினமான நேற்று வடுக பைரவருக்கு சிறப்பு பூஜை நடந்தது. இதையொட்டி காலை 10:00 மணிக்கு சன்னதி முன்பாக யாக குண்டம் அமைக்கப்பட்டு பூஜைகள் நடத்தப்பட்டது. தொடர்ந்து பைரவருக்கு 16 வகையான அபிஷேகங்கள் செய்யப்பட்டு சிறப்பு வழிபாடு நடத்தப்பட்டது. அனைவருக்கும் பிரசாதம், அன்னதானம் வழங்கப்பட்டது. இதே போல் முறையூர் மீனாட்சி சொக்கநாதர் கோயிலிலும் பைரவருக்கு சிறப்பு வழிபாடு நடத்தப்பட்டது.