அறிவியல் ஆயிரம்: ஆறு கோள்கள் ஒன்றாய் காண...
சூரிய குடும்பத்தில் 8 கோள்கள் உள்ளன. ஒவ்வொன்றும் அதற்குரிய கோணத்தில் வெவ்வேறு வேகத்தில், துாரத்தில் இருந்து சூரியனை நீள்வட்டப்பாதையில் சுற்றுகின்றன. அவ்வகையில் சில கோள்கள் ஒரே நேர்கோட்டில் வரும் வானியல் அதிசயம் அரிதாக நடைபெறும். இதன்படி 2026 பிப். 28ல் சூரியன் மறைவுக்கு பின் புதன், வெள்ளி, நெப்டியூன், சனி, யுரேனஸ், வியாழன் என ஆறு கோள்கள் நேர்கோட்டில் வருகின்றன. வானிலையை பொறுத்து யுரேனஸ், நெப்டியூனை பைனாகுலர் வழியாகவும், மற்றவற்றை நேரடியாகவும் பார்க்கலாம். சில நேரம், புதனை பார்ப்பதும் கடினமாக இருக்கலாம்.