சேலம் மாவட்டம், பனமரத்துப்பட்டி ஒன்றியம், தாசநாயக்கன்பட்டி ஊராட்சியில், கிராம சபா கூட்டம் நடந்தது; ஊராட்சி பணியாளர்கள் மட்டும் பந்தலில் அமர்ந்திருந்தனர். மக்களை எதிர்பார்த்து காத்திருந்ததால், காலை 11:00 மணிக்கு மேலாகியும் கூட்டம் துவங்கவில்லை.இந்நிலையில், பந்தலுக்கு வெளியே நின்றிருந்த ஒருவர், 'மக்கள் கூட்டத்தையே காணோமே' என்றார். அருகில் இருந்தவர், 'இங்கே மனு கொடுத்தால், அடுத்த கிராம சபா கூட்டத்துல கூட பதில் தருவதில்லை; சும்மா கணக்கு காட்டவே கூட்டம் நடத்துறாங்க. மக்களுக்கு ஏதாவது செஞ்சா பரவாயில்ல... அப்பதானே ஆர்வமா வருவாங்க. நானும் மனு கொடுத்துட்டு தான் இருக்கேன்; ஒண்ணும் நடக்கல' என்றார்.இதை கேட்ட மற்றொருவர், 'நானும் மனு கொடுக்க தான் வந்தேன்... உங்க பேச்சை கேட்டதும், அது வெட்டி வேலைன்னு தெரிஞ்சிடுச்சு...' என்றபடியே, வீட்டை நோக்கி நடந்தார்.
Minuites இல் கூட்டம் நடந்ததாக பதிவு செய்துவிட்டுக் கிளம்பிவிடுவார்கள் மனுக்கள் கொடுத்திருந்தால் அது பாட்டுக்கு பரணில் சில காலம் தூக்கிவிட்டு பழைய பேப்பர் கடைக்குப் போய்விடும் இதற்குப்போய் கொடுப்பானேன், நேரத்தையும், பயணச் செலவையும் வீணடிப்பானேன் என்ற அலட்சியம்/ விரக்தி மக்களுக்கு வந்துவிட்டது