வீணாகும் குடிநீர் விரயமாகும் மின்சாரம்

பகலில் எரியும் தெருவிளக்கு திருப்பூர் வஞ்சிபாளையம் - அவிநாசி ரோட்டில் கணியாம்பூண்டி பிரிவில் பகலில் மின்விளக்கு எரிந்து வருகிறது. - குமார், காவிலிபாளையம். திருப்பூர் ஜி.என்., கார்டன் பார்க் ரோட்டில் பகலில் தெருவிளக்கு எரிகிறது. - ரவி, ஜி.என்., கார்டன். தெருநாய் தொல்லை திருப்பூர் மங்கலம் ரோடு பாரப்பாளையம் தனலட்சுமி லே-அவுட்டில் தெருநாய்கள் அதிகமாக சுற்றி வருகிறது. இதன் காரணமாக, பொதுமக்கள், வாகன ஓட்டிகள் நடமாட சிரமப்பட்டு வருகின்றனர். - பெருமாள்சாமி, பாரப்பாளையம். சுகாதார சீர்கேடு திருப்பூர், ஏ.வி.பி., ரோடு அனுப்பர்பாளையம் கலைவாணி தியேட்டர் அருகே குப்பை கழிவு அகற்றப்படாமல், கடுமையான சுகாதார சீர்கேடு ஏற்பட்டு துர்நாற்றம் வீசி வருகிறது. - ஜெயபிரகாஷ், அனுப்பர்பாளையம். விபத்து அபாயம் பல்லடம், வடுகபாளையம்புதுாரில் கடந்த, மூன்று மாதம் முன், ரோட்டோரம் தோண்டப்பட்ட குழி மூடப்படாமல் உள்ளது. சமீபத்தில் அந்த குழியில் குழந்தை, பெரியவர்கள் கீழே விழுந்து காயமடைந்தனர். விபத்து அபாயம் உள்ளது. - உதயபிரகாஷ், பல்லடம். குப்பை கழிவு திருப்பூர் அனுப்பர்பாளையம் ஏ.வி.பி., ரோட்டில் சாக்கடை கழிவு நீர் அருகே குப்பை கொட்டப்பட்டு, கால்வாய் அடைப்பு ஏற்பட்டு தேங்கி நிற்கிறது. - கார்த்திக், அனுப்பர்பாளையம். வீணாகும் குடிநீர் திருப்பூர் பெரியார் காலனி டி.டி.பி., மில் பின்புறம் ரோட்டில் குடிநீர் குழாயில் ஏற்பட்டு, ஒரு வாரமாக குடிநீர் வீணாகி வருகிறது. - சுபாஷினி, பெரியார்காலனி