பி.யு., இரண்டாம் ஆண்டு தேர்வு முடிவு இன்று வெளியீடு

பெங்களூரு; கர்நாடகாவில் கடந்த மாதம் 1ம் தேதி முதல் 20ம் தேதி வரை, பி.யு., இரண்டாம் ஆண்டு தேர்வுகள் நடந்தன. மாநிலம் முழுவதும் ஆறு லட்சத்திற்கும் மேற்பட்ட மாணவர்கள் தேர்வு எழுதினர்.இந்த தேர்வு முடிவுகள், ஏப்ரல் இரண்டாவது வாரத்தில் அறிவிக்கப்படும் என, கூறப்பட்டு இருந்தது. அதன்படி இன்று தேர்வு முடிவுகள் வெளியாகின்றன. பெங்களூரு மல்லேஸ்வரத்தில் உள்ள தேர்வாணையத்தில் வைத்து, மதியம் 12:30 மணிக்கு பள்ளி கல்வித்துறை அமைச்சர் மது பங்காரப்பா தேர்வு முடிவுகளை வெளியிடுகிறார். மதியம் 1:30 மணிக்கு மேல் https://karresults.nic.inஎன்ற இணைய முகவரியில் சென்று, மாணவர்கள் தேர்வு முடிவுகளை பார்த்துக் கொள்ளலாம்.