சவால்களை தாண்டி வளரும் ஜுவல்லரி துறை

திருமண சீசனும், பண்டிகை காலமும் 'ஜுவல்லரி' துறையின் குறுகிய கால வளர்ச்சிக்கு சாதகமாக இருக்கும் என்று 'நுவாமா ரிசர்ச்' நிறுவனம் வெளியிட்டுள்ள அறிக்கையில் தெரிவித்துள்ளது. அதில் மேலும் கூறியதாவது:  தங்கம் விலை வரலாறு காணாத அளவுக்கு உயர்ந்தாலும், மார்ச் காலாண்டில் நகைகளுக்கான டிமாண்டு தொடர்ந்து நிலையாகவே இருந்துள்ளது  ஜுவல்லரி நிறுவனங்கள் வலுவான வருவாய் வளர்ச்சியை பதிவு செய்துள்ளன  ஜூன் காலாண்டிலும் இதே போக்கு நீடிக்கும் என்று எதிர்பார்க்கப்படுகிறது  திருமண சீசன், பண்டிகை காலங்களில் தொடர்ச்சியாகவே நகைகளுக்கு டிமாண்டு இருந்துள்ளது  மக்கள் எடை குறைவான 'லைட்வெயிட்' நகைகளை விரும்புகின்றனர். பட்ஜெட்டை சமாளிக்க, 9 காரட், 14 காரட், 18 காரட் போன்ற காரட் குறைவான நகைகளையும் வாங்குகின்றனர்  முதலீட்டு நோக்கில் தங்க கட்டிகளையும், நாணயங்களையும் வாங்குகின்றனர்  திருமணங்களுக்கு உகந்ததில்லை என்று கருதப்படும் மாதமும், தங்கம் மீதான இறக்குமதி வரி உயர்த்தப்பட்டிருப்பதும் இத்துறைக்கான சவால்கள்  சவால்கள் இருந்தாலும் கூட, ஜுவல்லரி துறைக்கு சாதகமான சூழலே உள்ளது. இவ்வாறு தெரிவிக்கப்பட்டுள்ளது.