டெக்னிக்கல் அனாலிசிஸ்: நிப்டி 23,116க்கு கீழ் சென்றால் பலவீனம் அதிகரிக்க வாய்ப்பு

நேற்று 64 புள்ளிகள் ஏற்றத்துடன் ஆரம்பித்த நிப்டி தொடர்ந்து சிறு சிறு ஏற்ற இறக்கங்களை சந்தித்து நாளின் இறுதியில் 75 புள்ளிகள் உயர்ந்து முடிந்தது. பரந்த சந்தை குறியீடுகள் 17ம் ஏற்றத்துடன் நிறைவடைந்தன. இவற்றில், 'நிப்டி ஸ்மால்கேப்100' குறியீடு அதிக பட்சமாக 1.74 சதவீதமும், 'நிப்டி100' குறியீடு குறைந்த பட்சமாக 0.50 சதவீதமும் உயர்ந்து முடிந்தன. 21 துறை சார்ந்த குறியீடுகளில் 16 குறியீடுகள் ஏற்றத்துடனும்; 5 குறியீடுகள் இறக்கத்துடனும் நிறைவடைந்தன. இவற்றில், 'நிப்டி சிமென்ட்' குறியீடு அதிக பட்சமாக 1.90 சதவீத ஏற்றத்துடனும், நிப்டி ஐ.டி., குறியீடு அதிக பட்சமாக 1.03 சதவீத இறக்கத்துடனும் நிறைவடைந்தன. என்.எஸ்.இ.,யில் வர்த்தகம் நடந்த 3,653 நிறுவனங்களின் பங்குகளில் 2,387 ஏற்றத்துடனும்; 1,154 இறக்கத்துடனும்; 112 மாற்றம் ஏதும் இல்லாமலும் நிறைவடைந்திருந்தன.

Galleryகடந்த சில நாட்களில் நிப்டி இறக்கத்தில் இருந்து மீட்சியடைந்துள்ள சூழலில் நிப்டியின் மத்திம கால டெக்னிக்கல் நிலைமை இறக்கமோ அல்லது பெரிய மாறுதலோ இல்லாது இருக்கக்கூடிய வாய்ப்பையே காட்டுகிறது. ஆனாலும், நிப்டியின் குறுகிய கால டெக்னிக்கல் சூழல் இன்னமும் பலவீனமாகவே இருக்கிறது. ஸ்டோக்காஸ்ட்டிக் இண்டிக்கேட்டர் குறுகிய காலத்தில் சற்று மீட்சி காண வாய்ப்பு இருப்பதை காட்டுகிறது. ஆர்.எஸ்.ஐ., 33.66 என்ற அளவிலும், ஆர்.ஓ.சி., -2.95 என்ற அளவிலும், எம்.ஏ.சி.டி., -244.82 என்ற அளவிலும் இருப்பது ஒட்டுமொத்த சந்தை வேகம் இன்னும் மந்தமாக இருப்பதை சுட்டிக்காட்டுகின்றன. உடனடி ரெசிஸ்டென்ஸ் 23,400 என்ற அளவில் இருக்கிறது. அதற்கு அடுத்தபடியாக 23,575-23,950 என்ற அளவில் ரெசிஸ்டென்ஸ் இருக்கிறது. 23,116-ல் முக்கிய சப்போர்ட் இருக்கிறது. நிப்டி 23,400-க்கு மேல் சென்றால் மட்டுமே மீட்சி வலுப்பெற வாய்ப்புள்ளது. 23,116-க்கு கீழே சென்றால் நிப்டியில் பலவீனம் அதிகரிக்க வாய்ப்புள்ளது.