ஏற்றம் தொடர்ந்தாலும், திடீர் இறக்கம் வருவதற்கான வாய்ப்பும் உள்ளது

இந்தியாவில், கடந்த மார்ச் காலாண்டில் 1.09 கோடி புதிய டிமேட் கணக்குகள் துவங்கப்பட்டுள்ளதாக சி.டி.எஸ்.எல்., தெரிவித்துள்ளது. ஒட்டுமொத்தமாக கடந்த நிதியாண்டில், 3.26 கோடி புதிய டிமேட் கணக்குகள் துவங்கப்பட்டுள்ளது; நாட்டிலுள்ள மொத்த டிமேட் கணக்குகளின் எண்ணிக்கை 11.56 கோடியை எட்டியுள்ளது என தெரிவிக்கப் பட்டுள்ளதுகடந்த மாதம் நாட்டின் சில்லரை வாகன விற்பனை 27 சதவீதம் அதிகரித்து, 22 லட்சம் யூனிட்களாக இருந்தன. பயணியர் வாகனங்கள் குறிப்பாக இரு சக்கர வாகனங்களின் விற்பனை அதிகரித்ததும், நிலையான பெட்ரோல், டீசல் விலையும் இதற்கு உதவி புரிந்துள்ளனஅன்னிய முதலீட்டாளர்கள், கடந்த மாதத்தின் இரண்டாம் பாதியில் 27,140 கோடி ரூபாய் மதிப்பிலான பங்குகளை விற்றுள்ளனர். குறிப்பாக நிதி சேவைகள் துறை சார்ந்த பங்குகளை, 12,550 கோடி ரூபாய்க்கு விற்றுள்ளனர்பொதுத்துறை நிறுவனங்களில் உள்ள தனியார்களின் பங்கு, கடந்த 5 ஆண்டுகளில் இல்லாத அளவுக்கு, நடப்பு மார்ச்சில் 41 சதவீதமாக குறைந்துள்ளது. கடந்த 2022 செப்டம்பரில், 44.61 சதவீதமாக இருந்த இவர்களின் பங்கு, அடுத்த 18 மாதங்களில், 361 அடிப்படை புள்ளிகள் சரிந்துள்ளதுகடந்த மார்ச் மாதம் நாட்டின் தொழில்துறை உற்பத்தி, 4.90 சதவீதமாக சற்றே சரிந்தது. இது, பிப்ரவரியில் 5.60 சதவீதமாக இருந்தது குறிப்பிடத்தக்கது. எனினும், ஒட்டுமொத்தமாக கடந்த நிதியாண்டுக்கான தொழில்துறை உற்பத்தி 5.80 சதவீதமாக அதிகரித்திருந்தது. இது 2022 - 23ம் நிதியாண்டில், 5.20 சதவீதமாக இருந்ததுநாட்டின் சரக்கு ஏற்றுமதி, நடப்பு நிதியாண்டின் முதல் காலாண்டில் 12.30 சதவீதம் அதிகரித்து, 9.69 லட்சம் கோடி ரூபாயாக இருக்கும் என, 'எக்ஸிம்' எனும் ஏற்றுமதி இறக்குமதிக்கான இந்திய வங்கி கணித்துள்ளதுகடந்தாண்டு ஏப்ரல் மாதத்துடன் ஒப்பிடுகையில், நடப்பாண்டு ஏப்ரலில் துவங்கப்பட்ட நிறுவனங்களின் எண்ணிக்கை 3.70 சதவீதம் சரிந்துள்ளது. எனினும் எல்.எல்.பி., நிறுவனங்களின் துவக்கம், 36 சதவீதம் அதிகரித்துள்ளதுசாலை போட பயன்படுத்தப்படும் பிட்டுமன் பயன்பாடு, 10 ஆண்டுகளில் இல்லாத அளவுக்கு, கடந்த நிதியாண்டில் 10 சதவீதம் அதிகரித்து, 88 லட்சம் மெட்ரிக் டன்களாக இருந்ததுமுதல் முறையாக, அன்னிய முதலீட்டாளர்களின் பங்கு முதலீடுகளைக் காட்டிலும், உள்நாட்டு முதலீட்டாளர் களின் பங்கு முதலீடுகள், கடந்த ஏப்ரலில் அதிகரித்துள்ளது. மேலும், அன்னிய முதலீட்டாளர்களால் நிர்வகிக்கப்படும் சொத்துக்களின் மதிப்பு 66.30 லட்சம் கோடி ரூபாயாக உள்ள நிலையில், உள்நாட்டு முதலீட்டாளர்களால் நிர்வகிக்கப்படும் சொத்துக்களின் மதிப்பு 66.70 லட்சம் கோடி ரூபாயாக அதிகரித்துள்ளது

வரும் வாரம்

மொத்த விற்பனை குறியீட்டு அளவீட்டில் உணவுப்பொருட்கள், எரிபொருள் விலை மற்றும் பணவீக்கம், எம்3 பணப்புழக்கம், பயணியர் வாகன விற்பனை, ஏற்றுமதி - இறக்குமதி நிகர மதிப்பு, வங்கிகளின் வைப்புத்தொகை மற்றும் வழங்கிய கடன் அளவில் வளர்ச்சி, அன்னிய செலவாணி கையிருப்பு போன்ற இந்திய பொருளாதாரம் சார்ந்த சில தரவுகள் வரும் வாரத்தில் வெளிவர இருக்கின்றன உற்பத்தியாளர்கள் விலை குறியீடு, பணவீக்கம், சில்லரை விற்பனை அளவு, புதிய கட்டடங்களுக்கு வழங்கப்பட்ட அனுமதிகளின் எண்ணிக்கை, வேலையில்லாத நபர்களின் எண்ணிக்கை, தொழிற்சாலைகள் உற்பத்தி போன்ற சில அமெரிக்க பொருளாதாரம் சார்ந்த தரவுகளும் வரும் வாரத்தில் வெளிவர இருக்கின்றன.

கவனிக்க வேண்டியவை

கடந்தவாரம் திங்களன்று, வர்த்தக நாளின் இறுதியில், 33 புள்ளிகள் இறக்கத்துடன் நிறைவடைந்த நிப்டி, செவ்வாயன்று 140 புள்ளிகள் இறக்கம்; புதனன்று மாற்றம் இல்லை; வியாழனன்று 345 புள்ளிகள் இறக்கம்; வெள்ளியன்று 97 புள்ளிகள் ஏற்றத்துடனும் நிறைவடைந்ததுவரும் வாரத்தில் காலாண்டு முடிவுகள், செய்திகள், நிகழ்வுகள், மற்றும் பொருளாதாரம் சார்ந்த தரவுகள் போன்றவையே நிப்டியின் நகர்வை தீர்மானிப்பதாக இருக்கும். வர்த்தகர்கள் இவற்றின் மீது ஒரு கண் வைத்து எச்சரிக்கையுடன், குறைந்த எண்ணிக்கையில், நஷ்டத்தைக் குறைக்க உதவும் குறுகிய ஸ்டாப்லாஸ்களை உபயோகித்து மட்டுமே வர்த்தகம் செய்வதற்கு முயற்சிக்கலாம்.வெள்ளிக்கிழமை ஏற்றத்துடன் சந்தை நிறைவடைந்த போதிலும், டெக்னிக்கல் அனாலிசிஸ் அடிப்படையில் பார்த்தால், நிப்டியில் திசை தெரியாத நிலைமைக்கு வந்ததை போன்ற நிலைமையே தென்படுகின்றது. மேலும் ஏற்றம் தொடர்ந்தாலுமே, அவ்வப்போது தீடீர் இறக்கம் வந்துவிடுவதற்கான வாய்ப்பு இருக்கவே செய்கிறது எனலாம்.நிப்டியின் டெக்னிக்கல் அனாலிசிஸ் சார்ந்த தற்போதைய நிலவரம்நிப்டி 21,795, 21,536 மற்றும் 21,285 என்ற நிலைகளில் வாராந்திர ரீதியிலான ஆதரவையும், 22,452, 22,849 மற்றும் 23,099 என்ற நிலைகளில் வாராந்திர ரீதியிலான தடைகளையும் டெக்னிக்கல் அடிப்படையில் சந்திப்பதற்கான வாய்ப்பு இருக்கிறது. நிப்டியில் ஏற்றம் தொடர்வதற்கு, தற்சமயம் உருவாகியுள்ள முக்கிய டெக்னிக்கல் திருப்புமுனை அளவான 22,192 என்ற அளவிற்கு கீழே செல்லாமல், தொடர்ந்து வர்த்தகமாகி கொண்டிருப்பது மிகவும் அவசியமான ஒன்றாகும்.