நொடிப்பொழுதில் சரிந்த 3 மாடி வீடு! உள்ளே இருந்தவர்கள் கதி! பொதுமக்கள் பீதி

கோலார்: கர்நாடகாவில் 3 மாடி வீடு ஒன்று அப்படியே சரிந்து விழுந்த வீடியோ சமூக வலைதளங்களில் வைரலாகி இருக்கிறது.இதுபற்றிய விவரம் வருமாறு; கோலார் மாவட்டத்தில் உள்ள பங்காரபேட் நகரத்தில் இந்த நிகழ்வு நடந்துள்ளது. அங்குள்ள தண்டு சாலை பகுதியில் ராஜ்குமார் என்பவருக்கு சொந்தமான 3 மாடிகள் கொண்ட வீடு உள்ளது. 3 குடும்பங்கள் அந்த வீடுகளில் வசித்து வந்தனர்.அந்த குடியிருப்பு வளாகத்தின் கீழ்தள பகுதியில் பராமரிப்பு வேலைகள் நடைபெற்று வந்தன. அதற்காக, அங்குள்ள தூண் ஒன்றை இடிக்கும் வேலையில் ஊழியர்கள் ஈடுபட்டு இருந்தனர். பராமரிப்பு வேலை காரணமாக அங்கு குடியிருந்த 3 வீடுகளைச் சேர்ந்தவர்கள் வெளியேற்றப்பட்டனர். அதன் பின்னரே பணிகள் தொடர்ந்தன.நிச்சயம் இடிந்து விழக்கூடும் என்ற எண்ணி அப்பகுதி மக்கள் தூரத்தில் இருந்தபடி வீட்டை வேடிக்கை பார்த்தபடி இருந்தனர். அவர்கள் பார்க்க, பார்க்க அனைவர் கண்முன்னே 3 மாடி வீடு அப்படியே பலத்த சத்தத்துடன் இடிந்து விழுந்தது.இதை அங்குள்ள மக்கள் தங்கள் செல்போன்களில் வீடியோவாக பதிவு செய்துள்ளனர். சமூக வலைதளங்களில் இந்த வீடியோவை பலரும் பார்த்து பகிர்ந்து வரும் நிலையில், போலீசார் வழக்குப்பதிவு செய்து விசாரணை நடத்தி வருகின்றனர்.