உள்ளூர் செய்திகள்

/ செய்திகள் / இந்தியா / இந்தியா மீதான நம்பிக்கை அதிகரித்து வருகிறது: பிரதமர் மோடி பெருமிதம்

இந்தியா மீதான நம்பிக்கை அதிகரித்து வருகிறது: பிரதமர் மோடி பெருமிதம்

புதுடில்லி: இந்தியா மீதான உலக நாடுகளின் நம்பிக்கை அதிகரித்து வருகிறது என்று பிரதமர் மோடி கூறியுள்ளார்.டில்லியின் யசோபூமி கருத்தரங்கு மையத்தில் செமிகான் மாநாட்டை துவக்கி வைத்து பிரதமர் மோடி பேசியதாவது: இந்திய பொருளாதாரம் வளர்ந்து வருகிறது. இந்தியா மீதான உலக நாடுகளின் நம்பிக்கையும் வளர்ந்து வருகிறது. கடந்த 15 நாட்களை நாம் எடுத்துக் கொண்டால், இந்தியா எந்த திசையில் செல்கிறது, எவ்வளவு வேகத்தில் முன்னேறி செல்கிறது என்று நோக்கத்திற்கான பாதை நமக்கு கிடைக்கும். சரக்கு ரயிலுக்கு என பிரத்யேகமாக அமைக்கப்பட்ட 3ஆயிரம் கிலோ மீட்டர் பாதை பயன்பாட்டிற்கு வந்தது. நான் கடந்த 10 நாட்களைப் பற்றியும், கடந்த காலத்தில் நடந்ததை பற்றியும் மட்டும் பேசவில்லை.இது நாடு முழுவதும் வேகத்தை துரிதப்படுத்துவதுடன், தளவாடங்களை மேம்படுத்துதல் மற்றும் உற்பத்திக்கு புதிய பலத்தை அளிக்கும்.இந்தியாவில் நடக்கும் ஐந்தாவது செமிகான் மாநாடு இதுவாகும். உங்கள் அனைவருக்கும் வாழ்த்து தெரிவிக்கிறேன். வெளிநாட்டில் இருந்து வந்துள்ள விருந்தினர்களுக்கும் எனது சிறப்பு வணக்கத்தை தெரிவித்துக் கொள்கிறேன். விஸ்வகர்மா ஜெயந்தியை முன்னிட்டு, நாட்டு மக்கள் அனைவருக்கும் வாழ்த்து தெரிவித்துக் கொள்கிறேன். நமது பாரம்பரியத்தில் கடவுள் விஸ்வகர்மா உருவாக்கம் மற்றும் கட்டுமானத்திற்கான அடையாளமாக அறியப்படுகிறார். இன்று பிரதமர் விஸ்வகர்மா திட்டம் துவக்கப்பட்டுள்ளது. ஒரு பக்கம் பல நூற்றாண்டு பாரம்பரியம் வாய்ந்த கட்டுமானங்களும், மறுபக்கம், 21ம் நூற்றாண்டிற்கான தொழில்நுட்பமும் கொள்கையும் உள்ளன. தன்னிறைவு மற்றும் வளர்ச்சியடைந்த இந்தியா என்பதற்கான நோக்கத்தின் பின்னணியில் உத்வேகம் ஆகவும் உள்ளது. இவ்வாறு பிரதமர் மோடி பேசினார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 5 )

Ramesh Sargam
செப் 17, 2026 21:12

இந்தியா மீதான உலக நாடுகளின் நம்பிக்கை அதிகரித்து வருகிறது. அதுதான் எதிர்கட்சியினருக்கு மிகவும் வயிற்றெரிச்சல் கொடுக்கிறது. குறிப்பாக தேசதுரோகிகளுக்கு.


தியாகு
செப் 17, 2026 19:58

வர வர மோடிஜியின் செய்திகளை மற்றும் பாஜகவின் செய்திகளை படிக்கவே வெறுப்பாக இருக்கிறது. ஆட்சிக்கு வந்து 12 வருடங்கள் ஆகியும் ஊழல்வாதிகள் ஒருவர் கூட சிறைக்கு செல்லவில்லை. உதாரணத்திற்கு ஊழல் குல திலகங்கள் கே என் நேரு, செந்தில் பாலாஜி, அனிதா ராதாகிருஷ்ணன், துரை முருகன், பொன்முடி, டி ஆர் பாலு, எ வ வேலு, சபரீசன், நடிப்பு அரக்கன் அன்பில் மகேஷ் பொய் மொழி இன்னும் பலர். விளங்கிடும் பாஜகவின் எதிர்காலம்.


தாமரை மலர்கிறது
செப் 17, 2026 18:34

இந்திய பொருளாதாரம் பத்து ட்ரில்லியன் டாலரை நோக்கி அதிரடியாக செல்கிறது. பொருளாதார வளர்ச்சி மேற்கத்திய நாடுகள் அண்ணாந்து பார்த்து வியக்கும் வகையில் பிரமிக்கத்தக்கதாக உள்ளது. அடுத்த பத்தாண்டில் அமெரிக்கர்கள் இந்தியாவில் விசா வாங்கி வேலை செய்யும் காலம் வரும்.


SUBBU,MADURAI
செப் 17, 2026 17:53

செமிகண்டக்டர் தொழில்துறை கூட்டமைப்பு (SIA) என்ற அமைப்பின் கணிப்புபடி உலகின் மொத்தம் செமிகண்டக்டர் உற்பத்தி 1.4 டிரில்லியன் டாலர் என்ற மைல்கல்லை எட்டிவிட்டது. இது எதிர்பார்த்ததை விட முன்னதாகவே எட்டப்பட்டு விட்டது. தற்போது, ​​இத்துறை 2030 ம் ஆண்டுக்குள் 2.5 டிரில்லியன் டாலரை இலக்காகக் கொண்டுள்ளது. இந்தியாவை பொறுத்தவரை, இது இனி வெறும் தொலைநோக்குப் பார்வை மட்டுமல்ல. இது உற்பத்தித் திறனை உருவாக்குவது, முதலீடுகளை ஈர்ப்பது மற்றும் பெரிய அளவில் செயல்படுத்துவது பற்றியது. இப்போது இந்தியா உட்பட உலக நாடுகளில் செமிகண்டக்டர் உற்பத்தி போட்டி வேகமாக சூடுபிடித்துள்ளது.


அமைதி போராளி
செப் 17, 2026 17:52

போர் நிக்குமா? சொன்னா கேட்டாங்களா?


புதிய வீடியோ